Cursos gratuítos en A Aixola

Formación especializada no sector marítimo en A Aixola – Cursos gratuítos con prazas dispoñibles

Co comezo do curso escolar, no Centro de Formación A Aixola abrimos o prazo de inscrición para varios cursos gratuítos, dirixidos a aquelas persoas que queiran especializarse ou mellorar as súas competencias no sector marítimo. Estes cursos están cofinanciados pola Consellería do Mar da Xunta de Galicia e a Unión Europea a través do programa FEMPA, e son completamente gratuítos para os participantes.

Os nosos cursos están orientados tanto a persoas en busca de novas oportunidades laborais como a profesionais do sector que desexen ampliar a súa formación. De feito, segundo os datos de inserción laboral recollidos no noso centro en 2023, o 68% dos alumnos atoparon traballo despois de realizar un dos nosos cursos.

Cursos dispoñibles para o outono de 2024:

• Certificado Profesional: Confección e Mantemento de Artes e Aparellos
  • Do 23/09/2024 ao 18/12/2024 (330 horas) – De 09:00 a 14:00.
• Elaboración e Instalación de Cubertas de Madeira en Embarcacións Menores
  • Do 16/09/2024 ao 10/12/2024 (300 horas) – De 16:00 a 21:00.
• Electricidade e Hidráulica Básicas Aplicadas ao Buque
  • Do 30/09/2024 ao 17/12/2024 (275 horas) – De 09:00 a 14:00.
• Laminado Manual en Poliéster para Pezas de Uso en Acuicultura e Construción Naval
  • Do 16/09/2024 ao 05/12/2024 (300 horas) – De 09:00 a 14:00.
• Prevención de Riscos no Sector Pesqueiro (Curso online)
  • Do 04/11/2024 ao 04/12/2024 (50 horas).
• Reparación de Embarcacións Pneumáticas
  • Do 23/09/2024 ao 17/12/2024 (300 horas) – De 16:00 a 21:00.
• Soldadura Autóxena
  • Do 11/11/2024 ao 19/11/2024 (20 horas) – De 16:00 a 20:00.

Vantaxes de formarte en A Aixola

• Formación adaptada ao sector marítimo: Ofrecemos un enfoque práctico que che permitirá adquirir habilidades directamente aplicables ao mercado laboral.
• Ampla oferta formativa: Cursos en áreas como confección de artes, poliéster, electricidade ou prevención de riscos, entre outros.
• Alta porcentaxe de inserción laboral: Un 68% dos nosos alumnos atoparon emprego despois de realizar a formación en A Aixola, en moitos casos en sectores relacionados co aprendido.

Inscríbete agora

Se estás interesado en algún dos cursos ou queres máis información, non dubides en poñerte en contacto connosco a través da nosa páxina web ou vía telefónica. As prazas son limitadas.